Alois Dietrich

Liaba Onkl,
unsre Herzlen send traurig, weil du ham muasst hiatz geahn,
dort wohnt der Friede, jå dort is es schean.
Ins Liacht bist hiatz gången, ham zua ewign Ruah,
gånz leise und still, der Himmlstür zua.
A wertvolles Lebm auf Erdn steht still,
wir miassn es trågn, weil es da Herrgott so will.
Gånz still send unsre Seufza, håbma ghåbt die so gern,
wir schickn dir unsa Liab, du werst es wohl hearn.
Unsa Onkl zu sein, des wår für uns es scheanste der Welt,
håst unsa Lebm jedn Tåg mit soviel Sunne erhellt.
Wir wolln dir heit Dånkn und "Vergelts Gott " noch sågn,
wårst Patnonkl und Beistånd und die Engl solln unsern
Dånk zum Himml trågn.
Derweil såg ma "Pfiat di " und leg di zua Ruah,
du måchst deine Äuglan für imma hiatz zua.
Die Erinnerungen sie bleibm, dei Lebm is zu End,
wir reichn dir zum Åbschied a letzts mål die Händ.
Wir wünschn dir von Herzn dei wohlverdiente Ruah
und so schliaßt sich dei Lebmsbiachle für ålle Zeit zua.
Der Verlust bleibt hiatz hintn und man woaß nit wås sågn,
wieviel Trauer und Tränen werdn uns hiatz wohl plågn.
A scheans Stückle auf Erdn sama gången mit dir,
für die wundascheane Zeit såg ma hiatz " Dånkschean" dafür.
Wir werdn di niemåls vagessn, egal wie viel Jåhr hiatz vageahn,
du bleibst in unsern Herzn und griaß unsern Papa schean.

Lieber Onkel Alois, du musst jetzt gehen aus diesem Leben und deine Reise endet hier,
du warst unser Onkel, du warst unser Freund und wir danken von ganzem Herzen dir.
Nun führt dich der Wille Gottes heim, unsere lieben Gedanken werden immer bei dir sein.
Ruhe in Frieden!

In ewiger Verbundenheit deine Neffen und Nichten:

Seppi, Harald, Hannelore, Adele, Karin und Franzi

05.06.2025 15:42 - Hannelore